ރާއްޖެސަރުކާރު
ހެކި ނެތިގެން ފަޒީލްގެ މައްސަލަ ފައިލްކޮށްފި
20/04/2021
Admin
ފިޝަރީޒް މިނިސްޓްރީގެ ކޮމިއުނިކޭޝަން ޑިރެކްޓަރ، އަހުމަދު ފަޒީލް
ޝެއަރ
ޖިންސީ ގޯނާއާއި ބަދުއަހުލާޤީ މައްސަލަތަކެއް ތުހުމަތު ކުރެވުނު ފިޝަރީޒް މިނިސްޓްރީގެ ކޮމިއުނިކޭޝަން ޑިރެކްޓަރ އަހްމަދު ފަޒީލުގެ މައްޗަށް ޖިނާއީ ދައުވާއެއް ކުރެވޭ ވަރަށް ހެކިނެތިގެން މައްސަލަ ފައިލް ކޮށްފިއެވެ.
ފަޒީލްގެ މައްޗަށް ތުހުމަތު ކުރެވުނީ 18 އަހަރު ނުފުރޭ ކުޑަކުޖަކަށް ޖިންސީ ގޯނާ ކުރުމާއި އެނާއަށް އަނިޔާ ކުރުމުގެ ތުހުމަތުތަކެވެ. އަދި ބަދުއަހްލާޤީ އަމަލުތައް ހިންގާ ވީޑިއޯއާއި ފޮޓޯތައް ފޮނުވުމާއި އެފަދަ ކަންކަން ކުރުމަށް ހިތްވަރު ދިނުން ހިމެނެއެވެ. ނަމަވެސް މި ތުހުމަތުތައް ފަޒީލްވަނީ ދޮގުކުރައްވާ ފައެވެ.
ފުލުހުން ވިދާޅުވީ ޖިނާއީ ދައުވާއެއް ކުރެވޭ ވަރަށް ހެކިނެތިގެން މައްސަލަ ފައިލް ކޮށްފައިވާ ކަމަށެވެ. އަދި ފަޒީލް މިހާރުވަނީ އަނބުރާ ވަޒީފާއަށް ނިކުންނަން ފަށާފައެވެ.
ފަޒީލްއަކީ އެމްއާރއެމްގެ ސްލޮޓެއްގައި ފިޝަރީޒް މިނިސްޓްރީގެ ސިޔާސީ މަޤާމެއް ކަމަށްވާ، އެ ތަނުގެ ކޮމިއުނިކޭޝަން ޑިރެކްޓަރެވެ. އަދި ޖިންސީ ގޯނާގެ ތުހުމަތާ ގުޅިގެން އެމްއާރއެމްއިން ވަނީ އެ މައްސަލަ ތަހުޤީޤުކުރަށް ފުލުހުންނާއި ޖެންޑަރ މިނިސްްޓްރީއަށް ހުށަހަޅާފައެވެ.
ހިޔާލު
ގުޅުންހުރި
