މިދިޔަ މާރިޗު މަހުގެ 27 ވަނަ ދުވަހު އަމަލުކުރަން ފެށި ދިވެހި ފުލުހުންގެ ޚިދުމަތުގެ ޤާނޫނުގެ ދަށުން އެކުލަވާލި ޕޮލިސް ބޯޑުގެ ރައީސާއި ނައިބު ރައީސް އިންތިޚާބު ކޮށްފިއެވެ.

ޕޮލިސް ބޯޑުގެ ރައީސަކަށް އައްޔަންކޮށްފައިވަނީ އެ ބޯޑުގެ މެންބަރު މއ. މަނާގޭ ޢަލީ ފާއިޒުއެވެ. އަދި ނައިބު ރައީސަކަށް އިންތިޚާބު ކޮށްފައިވަނީ ބޯޑު މެންބަރު މ.ހަޒާރީވިލާ އަޙްމަދު ފަޔާޒް ހަސަންއެވެ.

ފުލުހުންގެ ޤާނޫނުގެ ދަށުން ޕޮލިސް ބޯޑު ރައީސުލްޖުމްހޫރިއްޔާ އެކުލަވާލެއްވީ މި އެޕްރީލް މަހުގެ 9 ވަނަ ދުވަހުގައެވެ. ޕޮލިސް ބޯޑުގައި ހިމެނެނީ ޕޮލިސް ބޯޑްގައި ހިމެނޭނީ ރައީސުލްޖުމްހޫރިއްޔާ އައްޔަން ކުރައްވާ ދެ މެންބަރުންނާއި ފަންނީ ދާއިރާއިން ތައުލީމާއި ތަޖުރިބާ ލިބިފައިވާ ތިން މެންބަރުންނާއި، އާންމުކޮށް ހުޅުވާލެވިގެން ހޮވާ އާންމު ރައްޔިތުންގެ ތެރެއިން ދެ މެންބަރެކެވެ.

މިހާރު ބޯޑުގައި ހިމެނޭ މެންބަރުންނަކީ:

އަލީ ފާއިޒު، މއ.މަނާގެ (ރައީސް)

އަޙްމަދު ފަޔާޒް ހަސަން، މ.ހަޒާރީވިލާ (ނައިބު ރައީސް)

ހާމިދު އަބްދުލްގަފޫރު، ހ.ޝޭޑީކޯނަރ

ސަފާ ޝަރީފް، ދެތަޑިމާގެ / ސ.ހުޅުދޫ

އާއިޝަތު ނޫރާ މުހައްމަދު، ހ.ނޫމުތީ

އަހުމަދު ނާޝިދު، މއ.ގޯލްޑަންމޫން

އާދަމް އިބްރާހީމް، ގ.ޑިމްލައިޓް

ޕޮލިސް ބޯޑް އެކުލަވާލާތާ ހަތަރު މަސް ދުވަހުގެ ތެރޭގައި ޕޮލިސް ކޮމިޝަނަރު ފިޔަވައި ސުޕްރިޓެންޓެންޑުން ފެށިގެން މަތީގެ ރޭންކުތަކުގައި ތިއްބެވި ފުލުހުންގެ އޮފިސަރުންގެ ތެރެއިން އެކި ތުހުމަތުތައް ކުރެވޭ އޮފިސަރުންގެ މައްސަލަ ބޯޑުން ބަލައި އެ ފަރާތްތައް މަގާމުގައި ބޭތިއްބުމާމެދު އެ ބޯޑުން ގޮތެއް ނިންމަން ޖެހޭނެ އެވެ.