ދުނިޔެ
ޣައްޒާގައި ހުންނަ ދިވެހިވަންތަ ކެފޭއަށްވެސް އިޒްރޭލުން ބޮން އަޅައިފި
17/05/2021
Admin
ޝެއަރ
ރާއްޖޭގެ މާހައުލު ދައްކުވައިދޭ ގޮތަށް ފަލަސްތީނުގެ ޣައްޒާގައި ހަދާފައިވާ 'މޯލްޑިވް ޣައްޒާ' ރެސްޓޯރަންޓަށް އިޒްރޭލުން ބޮން އަޅާ އެތަން ބިމާ ހަމަކޮށްލައިފިއެވެ.
ޣައްޒާގެ ގޮނޑު ދޮށުގައި ހަދާފައިވާ މިރެސްޓޯރަންޓަށް ދިން ހަމަލާތަކުގައި 3 މީހަކު ޒަހަމަވެފައިވާއިރު, އެތަންވަނީ އެއްކޮށް ބިމާ ހަމަކޮށްލާފައެވެ. މިއީ ޣައްޒާގެ ރައްޔިތުންގެ މެދުގައި މަޤްބޫލު, އަދި އެމީހުން ރާއްޖެއަށްދޭ ސަމާލުކަން ދައްކުވައިދޭ ތަނެކެވެ.
މި ރެސްޓޯރަންޓު ޣައްޒާއާއި ދުނިޔޭގެ ސަމާލުކަމަށް އައީ މިިދިޔަ އަހަރު ރެސްޓޯރަންޓުގެ ވެރިޔާ އިމާދު އަލްބައްޔާ ރޮޓާސްއަށް ދިން އިންޓަވިއުއަށް ފަހުގައެވެ. އިމާދު ބުނީ, ބިމާ ވައިގެ މަގުން އެއްކޮށް ބަންދުކޮށްފައިވާ ޣައްޒާގެ ރައްޔިތުންނަށް ރާއްޖެ ނުދެވޭނެ ކަމަށާއި އެހެން ކަމުން ރާއްޖެ ޣައްޒާއަށް ގެނެސް ރައްޔިތުންނަށް ރާއްޖޭގެ މާހައުލު ތަޖުރިބާ ކުރުމަށް ހެދި ތަނެއްކަމަށެވެ.
އިޒްރޭލުން ފަލަސްތީނަށް ދެމުންދާ ހަމަލާތަކުގައި މިހާތަނަށް 200 ވުރެގިނަ މީހުންވަނީ ޝަހީދުކޮށްލާފައެވެ. މީގެ ތެރޭގައި މައުސޫމު ކުޑަކުދީންނާއި އަންހެނުންވެސް ހިމެނެއެވެ.
ހިޔާލު
ގުޅުންހުރި