ފާއިތުވި ތިން މަހު ދައުލަތުގެ ރިޒާވުން 57.3 މިލިއަން ޑޮލަރު މަދުވެއްޖެއެވެ.

އެމްއެމްއޭގެ ތަފާސް ހިސާބުތަކުން ދައްކާގޮތުން ރިޒާވްގަ މޭމަހުގެ ނިޔަލަށް ހުރީ 807.9 މިލިއަން ޑޮލަރު އެވެ. އެއީ އޭގެ ތިން މަސްކުރިން ހުރި 865.2 އަދަދާ އަޅާ ކިޔާއިރު 57.3 މިލިއަން މަދު އަދަދެކެވެ.

މިހާ ބޮޑު އަދަދެއް ހޭދަކުރަން ޖެހުނީ ތެލުގެ އަގު ބޮޑުވެ އެސްޓީއޯއިން ތެޔޮ އެތެރެކުރާ މިންވަރު އިތުރުވުމުންނެވެ. ސަރުކާރުން ދަނީ އާމްދަނީ އިތުރު ކުރުމަށް ރައްޔިތުން އަތުން ނަގާ ޓެކްސް ބޮޑު ކުރުމަށް ތައްޔާރުވަމުންނެވެ.