ސެޕްޓެމްބަރު 30 ވަނަ ދުވަހު ބޭއްވި ރިޔާސީ އިންތިޚާބުގެ ދެވަނަ ބުރުގެ ރަސްމީ ނަތީޖާ މިރޭ އިއުލާން ކޮށްފިއެވެ.

އިލެކްޝަންސް ކޮމިޝަނުން އިއުލާން ކުރި ރަސްމީ ނަތީޖާއިން ދައްކާ ގޮތުން އިންތިޚާބު ކާމިޔާބު ކުރެއްވި އިދިކޮޅު ކެންޑިޑޭޓް ޑރ. މުޙައްމަދު މުޢިއްޒު ވަނީ 129,159 ވޯޓު ހޯއްދަވާފައެވެ. އެއީ ވޯޓުލީ މީހުންގެ 54.04 އިންސައްތައެވެ.

ރައީސް އިބްރާހީމް މުޙައްމަދު ސާލިޙަށް ލިބިވަޑައިގަތީ 109,868 ވޯޓެވެ. އެއީ ވޯޓުލީ މީހުންގެ 45.96 އިންސައްތައެވެ.