ބައިނަލްއަޤުވާމީ ޑިމޮކްރަސީ ދުވަސް ފާހަގަކުރުމަށް ރައްޔިތުންގެ މަޖިލީހުގެ އިދާރާއިން ބޭއްވި ކުރެހުމުގެ މުބާރާތުން 1 ވަނަ ޢާއިޝަތު އީޝަލް ޢަލީ ހޯދައިފިއެވެ.

މިއަދު ބޭއްވި ނަތީޖާ ފާޅުކުރުމުގެ ރަސްމިއްޔާތުގައި ޢީޝަލްއަށް 7,000 ރުރިޔާގެ ފައިސާގެ އިނާމާއި ހަނދާނީ ލިޔުން ހަވާލުކޮށްދެއްވީ މަޖިލީހުގެ އިދާރާގެ އެސިސްޓެންޓް ސެކްރެޓަރީ ޖެނެރަލް މުޙައްމަދު ރަޝީދުއެވެ.

މުޅި މުބާރާތުން 1 ވަނަ ހޯދުމުގެ އިތުރުން އީޝަލް ވަނީ 14 އަހަރާއި 18 އަހަރާ ދެމެދުގެ އުމުރުފުރާއިންވެސް 1 ވަނަ ހޯދާފައެވެ. އުމުރުފުރާއިން 1 ވަނަ ހޯދުމުން 3,000 ރުފިޔާގެ ފައިސާގެ އިނާމާއި ހަނދާނީ ލިޔުންވަނީ ހަވާލުކޮށްފައެވެ.

މުޅި މުބާރާތުން 2 ވަނަ ލިބުނީ އަޙުމަދު އަތޫފް އަލީއަށެވެ. އަދި މުޅި މުބާރާތުން 3 ވަނަ ލިބުނީ ރާހީ އަޙްމަދު ސަޢީދު ހުށަހެޅި ކުރެހުމަށެވެ.

• ކުރެހުމުގެ މުބާރާތުގެ 14 އަހަރާއި 18 އަހަރާއި ދެމެދުގެ އުމުރުފުރާ:

1 ވަނަ ޢާއިޝަތު އީޝާލް ޢަލީ ހުށަހެޅި ކުރެހުން

2 ވަނަ އަޙުމަދު އަތޫފް އަލީ ހުށަހެޅި ކުރެހުން

3 ވަނަ ރާހީ އަޙްމަދު ސަޢީދު ހުށަހެޅި ކުރެހުން

• ކުރެހުމުގެ މުބާރާތުގެ 18 އަހަރާއި 35 އަހަރާއި ދެމެދުގެ އުމުރުފުރާ:

1 ވަނަ ޢާއިޝަތު އަމްނާ އަލީ ހުށަހެޅި ކުރެހުން

2 ވަނަ އިބްރާހީމް މިމްޝަލް މުޙައްމަދު ހުށަހެޅި ކުރެހުން

3 ވަނަ ޢާފިޔާ މުޙައްމަދު ހުށަހެޅި ކުރެހުން

ކުރެހުމުގެ މުބާރާތުގެ މުޅި މުބާރާތުން 1 ވަނަ - ޢާއިޝަތު އީޝާލް ޢަލީ

ކުރެހުމުގެ މުބާރާތުގެ މުޅި މުބާރާތުން 2 ވަނަ - އަޙުމަދު އަތޫފް އަލީ

ކުރެހުމުގެ މުބާރާތުގެ މުޅި މުބާރާތުން 3 ވަނަ - ރާހީ އަޙްމަދު ސަޢީދު

ބައިނަލްއަޤުވާމީ ޑިމޮކްރަސީ ދުވަސް ފާހަގަކުރުމަށް މަޖިލީހުން އިދާރާއިން ބޭއްވި މި މުބާރާތަށް މިފަހަރު 75 ކުރެހުން ހުށަހަޅާފައިވެއެވެ.