ރާއްޖެސަރުކާރު
އެމްޑީޕީ ޕްރައިމަރީ ބޮޑުތަނުން ކާމިޔާބު ކުރާނަން: ރައީސް ސޯލިހް
28/12/2022
ޒައިން ރަޝީދު
ޝެއަރ
އަންނަ ޖެނުއަރީ މަހުގެ 28 ވަނަ ދުވަހު ބާއްވާ މޯލްޑިވިއަން ޑިމޮކްރެޓިކް ޕާޓީ, އެމްޑީޕީގެ ރިޔާސީ ޕްރައިމަރީ ބޮޑުތަނުން ކާމިޔާބު ކުރައްވާނެކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ސާލިޙް ވިދާޅުވެއްޖެއެވެ.
ހަމަސް ފަހުން ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ރައީސް ސާލިހް ވިދާޅުވީ, އެމަނިކުފާނު ފުރަތަމަ ކަށަވަރު ކުރައްވަންޖެހެނީ ރިޔާސީ ޓިކެޓް ކަމަށާއި އެމްޑީޕީގެ ރިޔާސީ ޕްރައިމަރީ ބޮޑުތަނުން ކާމިިޔާބުކުރައްވާނެ ކަމަށެވެ. އަދި އެއަށްފަހު ކޯލިޝަނެއް އުފައްދަވާނެކަމަށް ވިދާޅުވިއެވެ.
ރައީސުލްޖޫމްހޫރިއްޔާ ތަކުރާރުކޮށް ވިދާޅުވީ މިހާރު ސިޔާސަތުތައް ތަންފީޒުކުރަމުންދާ ގޮތަށް ބަލާ ކޯލިޝަނެއް އުފައްދަވާ ސިޔާސީ ޕާޓީތަކުގެ ލީޑަރުގެ ތާޢީދު ލިބޭނެކަމަށް ދެކެވަޑައިގަންނަވާކަމަށެވެ. ނަމަވެސް އެމަނިކުފާނު ވިދާޅުވީ އަދި ކޯލިޝަނާ ގުޅޭ ގޮތުން މަޝްވަރާ ނުކުރައްވާ ކަމަށާއި ނުރަސްމީކޮށް ބައެއް ވާހަކަތައް ދައްކަވާފައިވާ ކަމަށެވެ.
ރައީސް ސާލިހް ދެކެވަޑައިގަންނަވާ ގޮތުގައި އިންތިހާބު ކާމިޔާބު ކުރެއްވޭނީ ކޯލިޝަނެއްގެ ތެރެއިންނެވެ. އަދި އެއް ޕާޓީއަކަށް އިންތިހާބު ކާމިޔާބު ނުކުރެއްވޭނެކަމަށާއި އެމްޑީޕީއަށް އިންތިހާބު ކާމިޔާބު ކޮށްދެވޭނީ އެމަނިކުފާނަށް ކަމަށް ވިދާޅުވިއެވެ.
ހިޔާލު
ގުޅުންހުރި