ހިޔާ ފްލެޓުގެ ޓަވަރަކުން ކުޑަކުއްޖަކު ވެއްޓި މަރުވެއްޖެއެވެ.

ފުލުހުން ވިދާޅުވީ، ހިޔާ ޓަވަރަކުން ވެއްޓި ނިޔާވެފައިވަނީ 16 އަހަރުގެ ފިރިހެން ކުއްޖެއް ކަމަށެވެ. އެ ކުއްޖާ ވެއްޓިފައިވަނީ ހިޔާގެ ފަސް ވަނަ ޓަވަރުގެ 13 ވަނަ ބުރިންކަމަށް ފުލުހުން ވިދާޅުވިއެވެ.

މިހާދިސާ ހިނގައިގެން އުޅޭކަމުގެ މައުލޫމާތު ފުލުހުންނަށް ރިޕޯޓް ކޮށްފައިވަނީ ރޭ ދަންވަރު 1:26 ހާއިރު އެވެ.

ކުއްޖާ ހޮސްޕިޓަލަށް ގެންދިޔައިރު ވެސް ނިޔާވެފައިވާ ކަމަށް ހުޅުމާލެ ހޮސްޕިޓަލުން މައުލޫމާތު ދިންކަމަށްވެސް ފުލުހުން ވިދާޅުވެއެވެ. މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.

ހިޔާ ޓަވަރުން ވެއްޓި ކުޑަކުއްޖަކު ނިޔާވެފައިވާއިރު މިދިޔަ އަހަރުގެ އޮކްޓޫބަރު މަހުގެ ތެރޭގައިވެސް 15 އަހަރުގެ ކުޑަކުއްޖަކު ހިޔާ ޓަވަރަކުން ވެއްޓި ނިޔާވެފައިވެއެވެ.