ބިންވެރިޔާ ސްކީމުގައި ނުހިމެނޭ ބަޔަކަށް އެޗްޑީސީން ގޯތި ދިން ކަމަށް ތުހުމަތު ކުރެވޭ މައްސަލައާ ގުޅިގެން ފުލުހުން ހިންގަމުން ދާ ތަހުގީގަށް އެޗްޑީސީގެ މެނޭޖިންގ ޑިރެކްޓަރ އިބްރާޙީމް ފަޒުލް ރަޝީދު އާއި އޭނާގެ ބޭބެ މުޙައްމަދު ފަޒީލް ރަޝީދު ހިމެނޭހެން 20 މީހެއްގެ ޕާސްޕޯޓު ހިފަހައްޓައިފިއެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ، ފުލުހުން ތަހުގީގު ކުރަމުން ގެންދާ ބިންވެރިޔާ ހައުސިންގ ސްކީމް އާއި ގުޅުންހުރި މައްސަލައަކާއި ގުޅިގެން ޖުމުލަ 20 މީހުން ފުރުން މަނާ ކުރުމުގެ އަމުރެއް ނެރެފައިވާ ކަމަށެވެ. އޭގެ ތެރޭގައި އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ފަޒީލް ރަޝީދު އާއި އެޗްޑީސީގެ މެނޭޖިން ޑިރެކްޓަރ އިބްރާހިމް ފަޒުލް ރަޝީދު ހިމެނޭކަމަށްވެސް ފުލުހުންގެ މެސެޖްގައިވެއެވެ.

މި މައްސަލައާ ގުޅިގެން ސަރުކާރުން ވަނީ ފަޒުލް އާއި ފަޒީލްގެ އިތުރުން އެޗްޑީސީ އާއި ގެދޮރުވެރިކަމާއި ބެހޭ ވުޒާރާގެ އިސްވެރިންތަކެއް ސަސްޕެންޑްކޮށްފައެވެ.