ގޯލްޑް ކަޕްގެ ޗެމްޕިއަންކަން އޭދަފުށި ހޯދައިފި

ގޯލްޑް ކަޕްގެ ފައިނަލް މެޗުގައި މިރޭ އޭދަށުފި ޗެމްޕިއަންކަން ހޯދީ އައްޑޫ ސިޓީއާ ބައްދަލުކޮށް 2–0 އިން މެޗް ކާމިޔާބު ކޮށްގެނެވެ. އައްޑޫއަށް ދެވަނަ ލިބުނަސް، އައްޑޫ ޓީމް ފައިނަލަށް ދިޔައީ ކުޅުނު ހުރިހާ މެޗަކުން މޮޅުވެ، މޮޅު ކުޅުމެއް ދެއްކުމަށްފަހުގައެވެ.

އޭދަފުށި މުބާރާތް ކާމިޔާބު ކުރީ މުޙައްމަދު ފާސިރު އާއި އޭނާގެ ބޭބެ ޢަލީ ފާސިރު ޖެހި ގޯލުންނެވެ. މުޙައްމަދު ފާސިރު ގޯލުޖެހީ ފުރަތަމަ ހާފުގެ 39 ވަނަ މިނެޓްގައެވެ. އަދި އަލީ ފާސިރު ގޯލު ޖެހީ 90 ވަނަ މިނެޓުގައެވެ.

ޗެމްޕިއަންޓީމަށް ތައްޓާއި މެޑަލް ހަވާލުކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ.