މިނިސްޓަރ އޮފް ޓޫރިޒަމް އިބްރާހީމް ފައިޞަލް، އެ މަގާމުން މިއަދު ވަކިކުރައްވައިފިއެވެ.

ރައީސުލްޖުމްހޫރިއްޔާގެ އޮފީހުން ވިދާޅުވީ ފައިސަލް ވަކިކުރެއްވުމަށްފަހު، ރައީސުލްޖުމްހޫރިއްޔާ މިއަދު ވަނީ އެ މިނިސްޓްރީ ވަގުތީގޮތުން ހިންގެވުން މިއަދުން ފެށިގެން މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް މުޙައްމަދު ސަޢީދުއާ ހަވާލުކުރައްވާފައެވެ.

ފައިސަލް މީޑިއާއަށް ވިދާޅުވީ ވަކިކުރި ކަމުގެ ސިޓީ ލިބުނީ މިއަދު ހެނދުނު ކަމަށެވެ. އަދި މިހާރު ގެގަށް ވަޑައިގެންފައިވާ ކަމަށް އޭނާ ވިދާޅުވިއެވެ.

ފައިސަލް މަގާމުން ވަކިކުރެއްވިއިރު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއާއި ފައިސަލްގެ ބައްޕަ ރައްޔިތުންގެ މަޖިލީހުގެ ރައީސް، ޢަބްދުއްރަޙީމް ޢަބްދުއްالله އާ ދެމެދު މައްސަލަޖެހި، ޚިޔާލު ތަފާތުވެފައިވާކަމަށް މައުލޫމާތު ލިބެއެވެ. އަދި ފައިސަލްއާ އެހެން ވަޒީރުންނާ ދެމެދުވެސް މައްސަލަ ޖެހިފައިވާކަމަށް ޚަބަރުލިބެއެވެ.

ފައިސަލް ފަތުރިވެރިކަމާ ބެހޭ ވަޒީރުކަމަށް އައްޔަނުކުރެއްވީވެސް އޭނާގެ ބައްޕަ، އަބްދުއްރަޙީމްގެ ނުފޫޒުންނެވެ. އަދި ފައިސަލް އަކީ ފަތުރުވެރިކަމުގެ ދާއިރާގެ އެއްވެސް ތަޖުރިބާއެއް އަދި އެދާއިރާއިން ތައުލީމް ހާސިލްކޮށްފައިވާ މީހެއްވެސް ނޫނެވެ.