ޓެކްނިކަލް މައްސަލަ ޙައްލުކޮށް މުޅި މާލެއަށް ކަރަންޓު ދީފިއެވެ.

ސްޓެލްކޯއިން މިއަދު ބުނީ މާލެއިން ކަރަންޓުގެ ޚިދުމަތް މެދުކެނޑުނީ ކުންފުނީގެ މައި އިންޖީނުގެއަށް ދިމާވި ޓެކްނިކަލް މައްސަލައަކާ ގުޅިގެން މާލޭގެ އިންޖީނުގެ ނިވިގެން ކަމަށެވެ. ނަމަވެސް ދިމާވި މައްސަލަ ހައްލުކޮށް އަލުން ކަރަންޓު ދީފައިވާ ކަމަށާއި ކަރަންޓުގެ ހިދުމަތް ނުލިބޭ ފަރާތެއް ވާނަމަ އެކުންފުނީގެ އެމަރޖެންސީ ހޮޓްލައިން 104 އަށް ގުޅުމަށް ސްޓެލްކޯއިން ވަނީ އެދިފައެވެ.

މީގެ އިތުރުން ސްޓެލްކޯއިން ވަނީ އެކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތް ކުރުމަށް މާލެ ސިޓީ، އުނިގަސް މަގާއި މިރިޔާސް މަގު ހިމެނޭ ސަރަޙައްދުން މިޔަދު މެންދުރުފަހު 14:00 އާއި 16:00 އާ ދެމެދު ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށްވެސް ހާމަކޮށްފައެވެ.