ރައީސުލްޖުމްހޫރިއްޔާގެ އިސްނެންގެވުމަށް ސަރުކާރުން ބަހަމުންދާ ރޯދަ ހަދިޔާ ބެހުމުގައި ސްޓެލްކޯގެ މުވައްޒަފުންވެސް ބައިވެރިވެއްޖެ އެވެ.

މިއަހަރު ރޯދަ ހަދިޔާގެ ގޮތުގައި ސަރުކާރުން ބަހަނީ މަސްދަޅު ކޭހެވެ. މަސްދަޅު ކޭސް ބެހުމުގައި ސްޓެލްކޯގެ މުވައްޒަފުން ހަރަކާތްތެރިވަނީ ޕޮލްކޯ ޓަވަރުގަ އެވެ.

ސްޓެލްކޯގެ މެނޭޖިންގ ޑިރެކްޓަރު ހުސެއިން ފަހުމީ ވިދާޅުވީ، މަސްދަޅު ކޭސް ބެހުމަށް ސަރުކާރުން މިހާރު އަޅާފައިވާ ހަރުދަނާ ފިޔަވަޅުތަކުގެ ތެރެއިން ކިއުގެ ތަކުލީފު ވީހާވެސް ކުޑަވާނެ ގޮތަކަށް އިންތިޒާމުތައް ހަމަޖައްސާފައިވާއިރު، އެ އިންތިޒާމުތަކުގެ ތެރެއިން އެ ކުންފުނީގެ މުވައްޒަފުންވެސް އެކަމުގެ ބައިވެރިވެފައިވާކަމަށެވެ.

އަދި ފަހުމީ ވަނީ މިފަދަ މަސައްކަތްތަކުގައި ސްޓެލްކޯގެ މުވައްޒަފުންގެ ފަރާތުން ލިބޭ އެއްބާރުލުން ފާހަގަކޮށް ޝުކުރު އަދާކޮށްފައެވެ.