ވިޔަފާރި

މީޓަރު ރީޑިންގ ނަގަން ސްޓެލްކޯގެ ވެރިން ހިމެނޭހެން 350 މުވައްޒަފުން ނިކުމެއްޖެ

27/02/2025

ޒައިން ރަޝީދު


ޝެއަރ

ކަރަންޓު މީޓަރުގެ ރީޑިންގ ނެގުމުގެ މަސައްކަތް އެއް ދުވަސް ތެރޭގައި ނިންމުމަށް، މާލެ ސަރަހައްދުގައި ސްޓެލްކޯގެ 350 މުވައްޒަފުން މިއަދު ނިކުމުގެ ރީޑިންގ ނަގަން ފަށައިފިއެވެ.

މިއަދު ކުރިއަށް ގެންދާ ހަރަކާތުގައި ސްޓެލްކޯގެ ވެރިންނާއެކު 350 މުވައްޒަފުން، މާލޭ ސަރަހައްދުގެ 72،000 ގޭބިސީގެ މީޓަރު ރީޑިންގ ނަގާނެއެއެވެ. ސްޓެލްކޯ އިން ބުނީ މިއަދު ރީޑިން ނެގުމަށްފަހު ދެން ރީޑިން ނަގާނީ ރޯދަ މަސް ނިމުމުން ކަމަށެވެ. މިއީ ރޯދަ މަހަށް ހާއްސަ ބިލެއް ތައްޔާރުކޮށް، އެބިލުގައި ޑިސްކައުންޓު ހިމެނުމަށް ހިންގާ ހަރަކާތެކެވެ. އަދި މިހާރު ކުރިއަށްދާ ހަރަކާތުގައި އެ ކުންފުނިން ހިދުމަތްދޭ ހުރިހާ ރަށެއްގެ ގޭބިސީގެ ރީޑިން ނަގައި އެއް ދުވަސް ތެރޭގައި ނިންމާލާނެއެެވެ.

މިކަން ފެށުމަށްޓަކައި ބޭއްވި ހަފުލާގައި ނޫސްވެރިންނާ ވާހަކަދައްކަވަމުން، ސްޓެލްކޯގެ މެނޭޖިންގ ޑިރެކްޓަރު ފަހުމީ ވިދާޅުވީ، އެއް ދުވަހުން ރީޑިންގ ނެގުމުގެ މިހަރަކާތް ކުރިއަށް ގެންދަން ނިންމި ސަބަބަކީ މިދިޔަ އަހަރު ރޯދަމަހުގެ ޑިސްކައުންޓް ދެ ބިލެއްގައި ހިމަނަން ޖެހުމުން ކަމަށެވެ.

"އެހެންވެ، އެކަން ހައްލުކުރަން އެއް މަހަށް ބިލް ކުރާ ގޮތަށް މިފަހަރު މި ނިންމީ،" ފަހުމީ ވިދާޅުވިއެވެ.

ސްޓެލްކޯއިން މީގެ ކުރިން ބިލް ތައްޔާރު ކުރާއިރު 12 ދުވަހުގެ ތަފާތު އުޅެއެވެ. އެހެންވެ މިދިޔަ އަހަރު ބައެއް ގެތަކަށް ދެ މަހުގެ ކަރަންޓް ބިލުންވެސް ޑިސްކައުންޓް ދޭން ޖެހުނެވެ.

ހިޔާލު


ގުޅުންހުރި