ރަމަޟާން މަސް ނިމުމުން ސްމާޓް މީޓަރ ހަރުކުރުމުގެ މަސައްކަތް ފަށާނެ ކަމަށް ސްޓޭޓް އިލެކްޓްރިކް ކޮމްޕެނީ ވިދާޅުވެއްޖެއެވެ.

މީޑިއާއަށް ދިން އިންޓަވިއުއެއްގައި ސްޓެލްކޯގެ ޖެނެރަލް މެނޭޖަރު އިބްރާހިމް ނާޝިދު ވިދާޅުވީ ސްމާޓު މީޓަރު ހަރުކުރުމުގެ ޕައިލެޓް ޕްރޮޖެކްޓުތައް ކާމިޔާބު ކަމާއެކު ނިމިފައިވާ ކަމަށާއި، މިހާރު ސްޓެލްކޯއިން ދަނީ ސްމާޓް މީޓާރ ހަރުކުރުމަށްޓަކައި ވާންޖެހޭ އެންމެ ފަހުގެ ތައްޔާރީތައްވަމުން ކަމަށެވެ.

އެގޮތުން، ރަމަޟާން މަސް ނިމުމުން ގޭބިސީތަކުގައި ސްމާރޓް މީޓަރ ހަރުކުރުމުގެ މަސައްކަތް ފަށާނެކަމަށް އޭނާ ވިދާޅުވިއެވެ. މި މަސައްކަތުގެ ދަށުން އެންމެ ފުރަތަމަ ސްމާޓު މީޓަރު ބެހެއްޓުމުގެ މަސައްކަތް ކުރުމަށް ނިންމާފައިވަނީ ހުޅުމާލޭގައެވެ.

ސްމާޓު މީޓަރުގެ ސަބަބުން ކަސްޓަމަރުންނަށް ވަރަށް ބޮޑު ފަސޭހަކަމެއް ލިބިގެންދާނެކަމަށާއި ސްމާޓު މީޓަރުގެ ސަބަބުން ކަރަންޓް ހޭދަވާ މިންވަރު ކަސްޓަމަރުންނަށް އަމިއްލައަށް ބަލާލެވޭނެ ކަމަށްވެސް ސްޓެލްކޯއިން މައުލޫމާތުދެއެވެ.