ފަންސާސް އިންސައްތަ ޑިސްކައުންޓާއެކު ކުރިއަށްދާ "އެލައިޑް ލައިފް ޕްރޮމޯޝަން"ގެ މުއްދަތު 31 ޑިސެމްބަރަށް ހަމަވާނެއެވެ.

މިދިޔަ ސެޕްޓެމްބަރުގައި ލޯންޗުކުރި މިޕްރޮމޯޝަންގެ ތެރެއިން އެލައިޑް ލައިފް އިންޝުއަރަންސް ޕްލޭނެއް ނަގާ އެންމެ ފުރަތަމަ 50 ކަސްޓަމަރުންގެ ފުރަތަމަ މަހުގެ ޕްރިމިއަމްއިން 50 އިންސައްތައިގެ ޑިސްކައުންޓެއް ދިނުމަށް ވަނީ ހަމަޖެހިފައެވެ. ޕްރޮމޯޝަނާއި ބެހޭގޮތުން މައުލޫމާތު ދެއްވަމުން އެލައިޑްގެ އެސިސްޓެންޓް އޮފިސަރ ފާތިމަތު ދަހާ އަޝްރަފް ވިދާޅުވީ ޕްރޮމޯޝަން 31 ޑިސެންބަރުގެ ނިޔަލަށް ހަމަވާއިރު މިހާރުވެސް މި ޕްލޭން ނެގުމުގެ ފުރުސަތު އެބައޮތް ކަމަށެވެ.

ލައިފް އިންޝުއަރަންސް ޕްލޭންސް މެދުވެރިކޮށް މާލީ ރައްކާތެރިކަން ހޯދާ ސްމާޓް ސޭވިންގ ޗޮއިސަސްއަށް ހޭލުންތެރިކަން އުފައްދާ، މުޖުތަމައުގެ ވަކި ވަކި ފަރުދުން ބާރުވެރިކުރުވުމުގެ މަގުސަދުގައި ފަށާފައިވާ މިޕްރޮމޯޝަންގެ ތެރެއިން ތަފާތު ހަރަކާތްތައް އެލައިޑުން ދަނީ ކުރިއަށް ގެންދަމުންނެވެ.

މިޕްރޮމޯޝަނާއި ބެހޭ އިތުރު މައުލޫމާތު ހޯއްދެވުމަށް އެލައިޑުގެ ހިލޭ ގުޅޭ ހޮޓްލައިން 1600 އަށް ގުޅުއްވުމަށް އެލައިޑުން އިރުޝާދު ދެއެެވެ. ނުވަތަ ވެބްސައިޓް؛ އެލައިޑް.އެމްވީގެ ލައިވް ޗެޓް ހިދުމަތްވެސް ހޯއްދެވޭނެކަން އެލައިޑުން ފާހަގަކުރެއެވެ.